«Դիմադրություն» շարժման մասնակիցները քայլերթ են անցկացնում Երեւանում (ուղիղ)

«Դիմադրություն» շարժման մասնակիցները քիչ առաջ քայլերթ են սկսել Ֆրանսիայի հրապարակից, որտեղ մինչեւ այդ անցկացվում էր հանրահավաք։

Շարժման քայլերթն անցկացվում է Բաղրամյան-Պռոշյան պողոտայով, այնուհետև կանգ կառնեն Կառավարության առանձնատան մոտ և կվերադառնան Ֆրանսիայի հրապարակ։

Հիշեցնենք, որ մայիսի 2-ից վարչապետ Նիկոլ Փաշինյանի հրաժարականի պահանջով խաղաղ անհնազանդության ակցիաներ են սկսվել Երեւանում, ամեն օր փակվում են մի շարք փողոցներ, ավտոերթեր եւ իրազեկման ակցիաներ անցկացվում։

Ֆրանսիայի հրապարակում մայիսի 14–ին ասուլիս էր հրավիրել ԱԺ փոխնախագահ, ՀՅԴ ԳՄ ներկայացուցիչ Իշխան Սաղաթելյանը, որը հայտարարել էր, որ հաջորդ շաբաթվանից փոխվելու է շարժման մարտավարությունը:

Այսօր վաղ առավոտից շարժման անդամները իրականացրել են անհնազանդության ակցիաներ՝ փակելով Երեւանի բազմաթիվ փողոցներ։ Բերման է ենթարկվել աննախադեպ թվով ցուցարար՝ 417 քաղաքացի։ Բերման է ենթարկվել նաեւ ՀՀ երկրորդ նախագահ Ռոբերտ Քոչարյանի կրտսեր որդին՝ Լեւոն Քոչարյանը։ Բերման է ենթարկվել, ապա ձերբակալվել ՀԱՊԿ նախկին գլխավոր քարտուղար, գեներալ-գնդապետ Յուրի Խաչատուրովի որդին Իգոր Խաչատուրովը։

Добавить комментарий

Ваш адрес email не будет опубликован.