Անգամ Վեհափառը չի կարող ձեր մեղքերին թողություն տալ․ Աշոտ Մինասյանը՝ իշխանությանը

Բաշ-Ապարանի եւ Սարդարապատի հաղթանակներից 100 տարի անց Հայաստանի ապիկար իշխանությունները ոչ միայն ոչնչացրին արցախյան զորագնդերը, այլ նաեւ Արցախը հանձնեցին թուրքերին։ Այս մասին այսօր՝ մայիսի 9-ին, Ֆրանսիայի հրապարակում «Դիմադրություն» շարժման հանրահավաքի ժամանակ ասաց «Սիսական» ջոկատի հրամանատար Աշոտ Մինասյանը (Աշոտ Երկաթ):

«Այս իշխանությունը Հայաստանը հանձնում է թուրքերին։ Սրանից 24 տարի առաջ իրենց հոգեւոր հայրը հայտարարում էր, որ հեռանում է խաղաղության իշխանությունը եւ գալիս է պատերազմի իշխանությունը։ Չորս տարի առաջ սրանք եկան եւ ստեղծեցին պատերազմի իշխանություն»,- նշեց Մինասյանը։

Մինասյանը կոչ արեց համայն հայությանը, զինվորականին, ոստիկանին եւ մտավորականությանը միանալ շարժման պայքարին։

«Եթե դուք այսօր կանգնած չեք հայ ժողովրդի կողքին, մտեք այնտեղ, որտեղից դուրս եք եկել։ Այսօր դատավճռի առջեւ է կանգնել իշխանությունը, վաղը պատասխան են տալու իրենց սերունդները, ինչպես 100 տարի հետո պատասխան տվեցին թուրքերի մնացորդները, ծնկի եկան ու խնդրում էին աղերսում էին, որ իրենց ներեն։ Դուք որտե՞ղ եք ձեր մեղքերը քավելու։ Անգամ Վեհափառը չի կարող ձեր մեղքերին թողություն տալ»,- ընդգծեց Մինասյանը։

Добавить комментарий

Ваш адрес email не будет опубликован.