Յուրահատուկ ձևով տապակած հավ. Համից չեք կշտանա

Հեշտ ու արագ է պատրաստվում: Այս ախորժելի խորտիկը վայելելիս ընտանիքի անդամները շատ գոհ կմնան:

Բաղադրիչներ

Հավ(կտորներ) — 1 կգ

Միջին չափի գլուխ սոխ— 3 հատ

Բաց գույնի գարեջուր — 1 բաժակ

Համեմունքներ ըստ ճաշակի

Սխտոր — ցանկության դեպքում

Պատրաստման եղանակը

Հավը կտրատել, կարելի է վերցնել ազդրեր: Համեմունքերը, սխտորը քսել վրան, թողնել մոտ ժամուկես, որ մարինացվի:

Սոխը կտրատել օղակներով, դրանք էլ իրենց հերթին կտրատել չորս մասի և բուսական յուղի մեջ տապակել մինչև ոսկեգույն դառնալը: Սոխը քաշել դեպի տապակի անկյունները, հավի կտորները դնել տապակի մեջտեղում: Տապակել երկու կողմից 6-7 րոպե:

Այնուհետև գարեջուրը լցնել վրան, թողնել շոգեխաշվի 10-15 րոպե:

Մատուցել կարելի է հենց տապակով, որովհետև համեմունքներով սոխեռածը նույնպես շատ համեղ է:

Բարի ախորժակ