Մոցարելլայով ձվածեղ հացի մեջ

Մոցարելլայով ձվածեղ հացի մեջ. Սա սիրված ուտեստ է շատերի ընտանիքներում, որը շատ արագ է պատրաստվում, բայց շատ համեղ ու սննդարար է:

Հարած ձվերը նախաճաշի համար` խոհարարական ժանրի դասական բաղադրատոմսերից է: Նախ և առաջ, կերակրատեսակը պատրաստվում է կայծակի արագությամբ և երկրորդը` շատ հագեցնող է: Այնպես որ եկեք այսօր պատրաստենք հացով համեղ ձվածեղ:

2 բաժնի համար ձեզ հարկավոր կլինի 6 ձու և լցոնման բաղադրիչները: Օրինակ՝ խոզապուխտը, բուլղարական պղպեղը և սպանախը: Իսկ բաղադրատոմսի յուրահատկությունը մոցարելլա և մարմար պանիրն է: Դա, ի դեպ, կարելի է փոխարինել ցանկացած այլ կոշտ պանրով ըստ ճաշակի: Հացով ձվածեղը կարող եք պատրաստեկ թեկուզ ամեն առավոտ, որովհետև երբեք չի ձանձրացնի:

Մոցարելլայով ձվածեղ. Բաղադրությունը

• Ձու 6 հատ
• Բուլղարական պղպեղ 1 հատ
• Մոցարելլա 100 գ
• Կանաչ սոխ 0,5 փունջ
• Խոզապուխտ 50-70 գ
• Սպանախ 0,5 բաժակ
• Աղ  0.5 թեյի գդալ

Մոցարելլայով ձվածեղ. Խոհարարություն

1. Ձվերը հարել, կտրել պղպեղը և խոզապուխտը, սոխը և սպանախը կտրատել և քերել մոցարելլայի կեսը: Մանրացված բաղադրիչները ավելացնել ձվի ամանի մեջ:
2. Աղը և պղպեղը ավելացնել զանգվածին, խառնել մանրակրկիտ:
3. Հացը կտրեք հավասար հաստության 4 մասի: Դանակի օգնությամբ, զգուշորեն կտրել փխրուն միջուկը:
4. Հալեցնել կարագը տապակի մեջ, ապա այնտեղ տեղադրել 2 կտոր հաց և լցնել ձվի զանգվածը հացի կեղևի մեջ: Ծածկել կափարիչով և տապակել ձվածեղը 3 րոպե: Շրջել կտորները և տապակել դրանք մինչև պատրաստ լինելը:
5. Նույնը կրկնել երկրորդ կտոր հացով: Երբ պատրաստ կտորները շրջեք, դրանց վրա դնել 3 կտոր կոշտ պանիր և մնացած մոցարելան: Այնուհետև պանրի վրա դնել հացով ձվածեղի առաջին կտորներ:
6. Տապակել այս վիճակով ևս 3 րոպե՝ մինչև պատրաստ լինի:

Մատուցել հացով ձվածեղը տաք վիճակում, քանի դեռ պանիրը հնարավորինս մածուցիկ է: Այս հագեցնող կերակուրը ձեզ էներգիա կտա ամբողջ օրվա համար:

Իսկ ձվածեղի լցոնումը կարող է փոխվել ըստ ձեր ճաշակի:

Մոցարելլայով ձվածեղը հացի մեջ պատրաստ է:

Բարի ախորժակ:

Արագ պատրաստվող համեղ նախաճաշի մեկ այլ տարբերակի հետ ծանոթացեք.