Կերա՞ր, անողնաշար մարուքյան,անպոչ գդալի նման քեզ այս ու այն կողմ ես գցում․Ալիս Սողոմոնյան | HAVASTI.info

Կերա՞ր, անողնաշար մարուքյան,անպոչ գդալի նման քեզ այս ու այն կողմ ես գցում․Ալիս Սողոմոնյան

Ալիս Սողոմոնյանը ֆեյսբուքյան իր էջում գրել է․

ՏԱՏԱՆՎՈՂ «ԼՈՒՍԱՎՈՐ» մԱՐՈՒՔՅԱՆԸ
Եթե դու՝ անկայուն ու դիմազուրկ մարուքյան, առավոտ վաղ քո ճեպազրույցով լրագրողներ չհավաքեիր քո գլխին, ու քո տատանվող լինելը ակամա չապացուցեիր, ես քո մասին գրելու ցանկություն բնավ չէի ունենա: Չէի ունենա, որովհետև նախ գրել եմ մի քանի անգամ և հետո էլ քո կերպարն ինձ համար չափազանց տհաճ է:
Բայց հիմա մեղքս եկար, երբ քո մասին ժողովրդի մեծ մասի ու անձամբ իմ բացասական կարծիքը կիսում է նաև մեկ ուրիշ, այսպես ասած, այլասերված «ընդդիմադիր» կոչված, դավադիր վանեցյանը:
Այդպես էլ պիտի լիներ՝ նեղսրտածներ, դուք ո՛չ միայն չկարողացաք ընդհանուր լեզու գտնել, այլև սկսեցիք, ժողովրդի լեզվով ասած, իրար միս ուտել, իրար փուռը տալ:
Եվ սպրթնած վանեցյանը շտապեց ասել. «Լուսավոր Հայաստան» կուսակցությունն իր վերջին քայլերով ապացուցեց, որ ոչ թե ընդդիմադիր խմբակցություն է, այլ իշխանության անձի կցորդ»:
Կերա՞ր, անողնաշար մարուքյան: Մի կարճ ժամանակ է անցել, ինչ Փաշինյանի դեմ պայքարելու իբր միասնական ճակատ էիք ուզում ստեղծել: Փլվե՞ց ձեր կառուցած թղթե տունը: Փլվածքի տակ մնացած մարուքյան, ստացա՞ր քեզանից ոչ պակաս տխրահռչակ վանեցյանի երկրորդ ապտակը, երբ արհեստածին «Հայրենիք» կուսակցության նախագահ կարգված դավաճան վանեցյանը հայտարարեց նաև, թե՝ «Այսօր ԱԺ-ում գործում է մեկ ընդդիմադիր ուժ եւ դա «Բարգավաճ Հայաստան» խմբակցությունն է»։
Խասիաթդ սատկի, մտքով ու կեցվածքով տատանվող մարուքյան, ինչի՞ ես ամեն տեղ քիթդ խոթում: Էլի ժողովրդական խոսքով ասեմ՝ համ մեխին ես խփում, համ նալին: Մարդ է՞լ այդչափ անկայուն լինի: Մի կողմից ասում ես, թե՝ առանց ՍԴ եզրակացության Սահմանադրության մեջ փոփոխություններ կատարելը հակասահմանադրական է, մյուս կողմից էլ ասում ես, թե չենք մասնակցի սահմանադրական դատարան դիմելու «Բարգավաճ Հայաստան» խմբակցության կազմակերպած ստորագրահավաքին:
Այդ մի գիշերվա մեջ ստվերում խաղեր տվող քո շեֆերից որի՞ հետ խորհրդակցեցիր, որ այդ հրաժարումին եկար և առավոտ շուտ էլ շտապեցիր ճեպազրույցի հրավիրել լրագրողներին, որ քո այդ հանճարեղ միտքն արտահայտես:
Թերևս շեֆիդ հետ քո այդ գիշերային «խորհրդակցության» արդյունքում էլ քո շեֆն իր փեսա, արդեն խոհարար դարձած միշիկի բերանով հայտարարեց, թե՝ Ազգային ժողովում արդեն կա մեկ ընդդիմություն՝ ի դեմս ԲՀԿ-ի։ Նույնն արվեց էն տխրահռչակ, անինքնասեր աշոԾյանի բերանով՝ «Արձանագրեք, որ ԼՀԿ-ն պաշտոնապես դարձավ Նիկոլի երկրորդ կուսակցությունը»։
Չեղա՞վ, մարուքյան, որ խամաճիկիդ ստորացնելու իմիտացիա ստեղծեցին:
Այս քո ստորանալը, կամակատար մարուքյան, մի կերպ կուլ տուր, որ չխեղդվես, մինչև ավելի որոշակի հասկանալի դառնա, թե դու այդ ինչ ֆիգուրա ես Ազգային ժողովում:
Քո մասին խոսելիս, այ մարուքյան, հայոց բանահյուսությունը նոր մտքերով է հարստանում, անպոչ գդալի նման քեզ այս ու այն կողմ ես գցում, որ կայանաս որպես ընդդիմադիր: Ոնց որ թե չի ստացվում: Ես չգիտեմ, թե պառլամենտական ընտրություններում քեզ ձայներ տվող վանաձորցիները (բացի, իհարկե, քո ընտանիքի անդամներից ու հարևաններից) փոշմանե՞լ են, թե՞ չէ, բայց վստահ եմ, որ կամ հաստա՛տ սխալվել են, կամ էլ դու քո «լուսավոր» խավարամիտներով ինչ-որ ուժերի պրոյեկտ ես Ազգային ժողովում:
Հետո էլ նեղանում ես, մարուքյան, որ քեզ համեմատում ենք Չարենցի էգոիստ հերոս խանութպան Համոյի հետ: Բա ի՞նչ պիտի անենք, այ էդմոն մարուքյան: Խանութպան Համոն էլի քեզանից լավն է, նա գոնե պարզապես անտարբեր էր, որ իր խանութի առաջ մեռնում էր մի որբ երեխա: Դու անտարբեր ես, թե երկրում ի՜նչ դաժանորեն է արշավում կորոնավիրուսը, թե ժողովուրդն ու իշխանությունն ի՜նչ տանջանքներ են կրում այդ անտեր վարակի դեմ, բայց դու, ի տարբերություն անտարբեր Համոյի, շարունակ քո անդուր երեսով էկրաններին ես հայտնվում ու տարամերժ և տափակ կարծիքներովդ մարդկանց անհանգստացնում ու պարզապես զզվեցնում ես: Մեկ անգամ չեղավ, որ միտք արտահայտես կորոնավիրուսի դեմ պայքարի հետ կապված: Դու այդպես էլ չհասկացար, որ աղետի մեջ եղած երկրում ժողովուրդը չի՛ ընդունի նրանց, ովքեր անհաղորդ են ժողովրդի ցավերին:

Հիմա ինչ-որ ծրագիր ունես՝ ԱԺ-ում ընդունված նոր օրենքը վիճարկել սահմանադրական դատարանում: Բայց դու այդ ի՞նչ հիմքով ես ՍԴ դիմող սուբյեկտ դառնալու: Որպես քաղաքացի՞ (Սահմանադրության 101 հոդված), թե՞ ԱԺ պատգամավորների ստորագրություններով: Քեզ ո՞վ պիտի միանա, Բարգավա՞ճը: Դու արդեն այրել ես Բարգավաճի հետ քո կամուրջները: Դու հիմա քո խավարամիտ «լուսավորներով» ոչինչ չարժեցող ընդդիմություն ես, պարազապես քաղաքական դիակ ես:
Ի դեպ, ասեմ նաև, մարուքյան, որ դու ակամայից խոստովանեցիր քոչարյան ռոբիկի հանդեպ ունեցածդ համակրանքը: Դու նախ սխալ համարեցիր ՍԴ-ից քոչարյանի փաստաբանների դիմումը հետ վերցնելը, ապա և հայտարարեցիր, թե թովմասյան հրայրը թող հենց այսօր քններ քոչարյանի գործը և որոշում կայացներ: Թե դու հրայրից ինչ որոշում էիր ակնկալում, հասկանալի է: Ողբա՛մ քեզ, մարուքյան:
Ես հասկանում եմ, մարուքյան, թե ինչից է գալիս քո հոգեխանգարումը: Դու քեզ իշխանության ՎԱՂՎԱ լիդեր ես պատկերացնում: Էն քո խասյաթի տեր, սողացող, մանկլավիկ խաժակյանին, որը քո պահվածքի նման Երևանում կատարվող ամեն բարեփոխումի վրա ցեխ շպրտելու մանիա ունի, ներշնչել ես, թե նա ապագա քաղաքապետի միակ արժանի թեկնածուն է: Ախորժակիդ քացախ: Իսկ քաղաքականությունից ոտաբոբիկ, խղճուկ էն անի սամսոնյանին էլ ծանր հրետանի ես կարգել ու ասպարեզ հանել, որ քո դեմ ամեն արդարացի հանդիմանությանը պատասխանի կնոջը ոչ վայել խոսքերով: Այդ քո՝ .թույնով լցված քայլող սրվակ խաժակյանով, ԱԺ-ում քեզանից բեթար կույր աղիքի տեր անի սամսոնյանով կամ էլ քո զուռնայի դամքաշ էն տարոն սիմոնյանով ինչ խոսակցություն էլ վարես, դրանք պարզապես հաչոց են լինելու լուսնի վրա: Եվ կգա անպայման այն պահը, երբ քաղաքական դաշտում դու և քեզ նման ազգադավ կուսակիցներդ պարզապես ավելորդ կդառնաք: Եվ մեկընդմիշտ կտեղափոխվեք քաղաքական աղբանոց:
Իսկ առայժմ քո երազած այդ ՎԱՂԸ քեզ վրա եկող բումերանգ է դառնալու՝ քո դավադիր կեցվածքի բոլոր դրսևորումներով: Զգուշացիր դրանից, մարուքյան, զգուշացիր և կերպդ փոխիր: Չնայած կարմիր կովը կաշին չի փոխի: Մեկընմիշտ հիշիր, Ազգային ժողովը ժողովրդի՛ Ազգային ժողովն է, ոչ թե տեղ է թափթփուկների, որոնք հանցագործների՛ շահերը պիտի պաշտպանեն: Ուրեմն քո կուսակցության հետ գնացեք գրողի ծոցը:
ԱԼԻՍ ՍՈՂՈՄՈՆՅԱՆ

Добавить комментарий

Ваш e-mail не будет опубликован. Обязательные поля помечены *