Խրթխրթան վարունգներ կիտրոնաթթվով. Ձմեռվա համար նուրբ, բուրավետ, ախորժելի մարինադ

Խրթխրթան վարունգներ կիտրոնաթթվով. Ձմեռվա համար նուրբ, բուրավետ, ախորժելի մարինադ: Պատրաստվում է բացարձակապես առանց քացախ օգտագործելու: Այդ պատճառով դրանք ստացվում են շատ համեղ ու քնքուշ:

Դուք կարող եք դրանք պահել նույնիսկ սենյակային ջերմաստիճանում, առանց վախենալու, որ կփչանան: Միթե սա հրաշք չէ:

 խրթխրթան վարունգներ

Խրթխրթան վարունգներ. Անհրաժեշտ բաղադրիչներ

3 լիտր բանկայի համար

  • Վարունգ
  • Կիտրոնաթթու 2 թեյի գդալ
  • Աղ 2 ճաշի գդալ
  • Շաքարավազ 2 ճաշի գդալ
  • Պղպեղի սև հատիկներ 2-3 հատ
  • Բալի տերև 2 հատ
  • Կծու պղպեղ 1-2 հատ
  • Սխտոր 2-3 պճեղ
  • Դափնու տերեւ 2 հատ
  • Ծովաբողկի տերև 1-2 հատ
  • Նեխուր 1-2 ցողուն
  • Սամիթի սերմեր կամ թարմ սամիթ:
 խրթխրթան վարունգներ

Խրթխրթան վարունգներ. Պատրաստման եղանակը

  1. Առաջին հերթին պետք է ուշադիր լվանալ բանկաները և ստերիլիզացնել դրանք: Այնուհետև բանկայի տակ դնել բալի տերևներ, դափնու տերևներ, կտրատած սխտոր, մի քիչ կծու պղպեղ, ծովաբողկի տերևներ, նեխուր, սամիթի սերմեր:
  2. Հիմա լցնել բանկաների մեջ վարունգը: Այնուհետև ավելացնել սև պղպեղի հատիկներ: Լցնել եռման ջուրը մինչև բանկայի պռունկը, ծածկել ստերիլիզացված կափարիչներով, և թողնել 20-30 րոպե:
  3. Ջուրը նորից ետ լցնել կաթսայի մեջ, ավելացնել աղ, շաքար, մանրակրկիտ խառնել: Կաթսայի հեղուկը հասցնել եռման: Մինչ ջուրը եռում է, կիտրոնաթթուն ավելացնել բանկաների մեջ:
  4. Լցնել եռացրած մարինադը ուղղակի վարունգի վրա, ծածկել կափարիչներով և անմիջապես փակել: Շրջել բանկաները գլխիվայր, փաթաթել ծածկոցով, մինչև ամբողջովին սառչեն:
խրթխրթան վարունգներ

Վարունգները աներևակայելի համեղ են, մաքուր, թափանցիկ մարինադով: Ձմռանը նրանք կուրախացնեն ձեզ և ձեր սիրելիներին:

Խրթխրթան վարունգներ կիտրոնաթթվով պատրաստ են:

Բարի ախորժակ:

Оставьте первый комментарий

Оставить комментарий

Ваш электронный адрес не будет опубликован.


*