Գագիկ Ծառուկյանի կիրակնօրյա «արկածները». տեսանյութ | HAVASTI.info

Գագիկ Ծառուկյանի կիրակնօրյա «արկածները». տեսանյութ

«Բարգավաճ Հայաստան» կուսակցության առաջնորդ Գագիկ Ծառուկյանն և իր կուսակիցները հունիսի 14-ը դեռ երկար կհիշեն: Այդ օրը նրա դեմ միանգամից երեք քրեական գործ հարուցվեց։ Վաղ առավոտից ԱԱԾ-ն նրա առանձնատանը խուզարկություններ էր իրականացնում։

Ծառուկյանի տան դիմաց հարյուրավոր մարդիկ էին հավաքվել՝ քաղաքական գորչին և երկրի խոշորագույն գործարարներից մեկին աջակցելու համար։

Խուզարկությունից որոշ ժամանակ անց Ծառուկյանը դուրս եկավ ու իշխանությանը մեղադրեց քաղաքական վրեժ լուծելու մեջ։ Նա հայտնեց, որ գնում է ԱԱԾ՝ հարցաքննության։

Ավելի ուշ ԱԱԾ-ն հրապարակեց քրգործերի մանրամասները։ Դրանցից մեկը վերաբերում է խաղատների ապօրինի գործունեությանը, որի հետևանքով պետությանը 60 միլիոն դոլարի վնաս է հասցվել։ Երկրորդ գործը կապված է 2017 թվականին ընտրակաշառք բաժանելու հետ։ Երրորդը՝ ապօրինի հողատարածքներ տրամադրելու համար։

Այնուհետև Ծառուկյանի կողմնակիցները հավաքվեցին ԱԱԾ շենքի մոտ։

Ոստիկաններն օրվա ընթացքում պարբերաբար ձերբակալում էին ակցիայի մասնակիցներին։ Նրանք պահանջում էին պահպանել կորոնավիրուսի համավարակի հետ կապված հայտարարված արտակարգ դրության կանոնները։

Ոստիկանները որոշ դեպքերում փորձում էին բերման ենթարկել նաև Ծառուկյանի կուսակցության պատգամավորներին։ Սակայն հետո, երբ դեմքով ճանաչում էին նրանց, բաց էին թողնում։ Խորհրդարանականները որոշ ժամանակով նույնիսկ փակել էին փողոցը։

Добавить комментарий

Ваш e-mail не будет опубликован. Обязательные поля помечены *